அனைத்து வகை கிரிக்கெட்டிலிருந்தும் இந்திய முன்னணி வீரர் ஓய்வு அறிவிப்பு

இவர் 2007 டி20 உலகக்கோப்பை மற்றும் 2011 ஒருநாள் உலகக்கோப்பையை வென்ற இந்திய அணியில் இடம்பெற்றிருந்தார்.

Published:6th Jun, 2025 at 9:16 AM

மும்பை,

இந்திய கிரிக்கெட் அணியின் முன்னணி சுழற்பந்து வீச்சாளர்களில் ஒருவரான பியூஷ் சாவ்லா (வயது 36) அனைத்து வடிவிலான (டெஸ்ட், ஒருநாள், டி20 மற்றும் ஐ.பி.எல்.) கிரிக்கெட்டிலிருந்தும் ஓய்வு பெறுவதாக அறிவித்துள்ளார். இவர் 2007 டி20 உலகக்கோப்பை மற்றும் 2011 ஒருநாள் உலகக்கோப்பையை வென்ற இந்திய அணியில் இடம்பெற்றிருந்தார்.

அவர் விளையாடிய கால கட்டங்களில் சிறப்பாக செயல்பட்ட அவர் இளம் வீரர்களின் வருகையால் அணியிலிருந்து ஓரம் கட்டப்பட்டார். சர்வதேச கிரிக்கெட்டில் கடைசியாக 2012-ம் ஆண்டு விளையாடினார். அதன்பின் இந்திய அணியில் இடம்பெறவில்லை. ஐ.பி.எல். தொடரில் மட்டுமெ விளையாடி வந்தார்.