8-வது பெண்கள் 20 ஓவர் உலகக் கோப்பை கிரிக்கெட்டில் தென்ஆப்பிரிக்காவை தோற்கடித்து ஆஸ்திரேலியா 6-வது முறையாக சாம்பியன் கோப்பையை ருசித்தது. முன்னதாக இந்திய அணி அரைஇறுதியில் போராடி தோல்வியை தழுவியது.

இந்த தொடரில் கலக்கிய வீராங்கனைகளின் அடிப்படையில் மிகவும் மதிப்பு மிக்க அணியை தேர்வு செய்து சர்வதேச கிரிக்கெட் கவுன்சில் (ஐ.சி.சி.) அறிவித்தது. 11 பேர் கொண்ட இந்த அணியில் இந்திய தரப்பில் இளம் விக்கெட் கீப்பர் ரிச்சா கோஷ் மட்டுமே இடம் பிடித்துள்ளார். அவர் தொடரில் 136 ரன்கள் எடுத்ததுடன், 7 பேரை அவுட் ஆக்கி இருக்கிறார்.