இந்தியா - ஜிம்பாப்வே இடையிலான டி20 தொடர் நடைபெற்று வருகிறது. இதில் 2 போட்டிகள் முடிவடைந்த நிலையில் டி20 போட்டிகளில் வீரர்களுக்கான புதிய தரவரிசை பட்டியலை சர்வதேச கிரிக்கெட் கவுன்சில் (ஐ.சி.சி.) வெளியிட்டுள்ளது.

இதில் பேட்ஸ்மேன்கள் தரவரிசையில் இந்திய வீரரான ருதுராஜ் கெய்க்வாட் நல்ல முன்னேற்றம் கண்டுள்ளார். 2-வது போட்டியில் 77 ரன்கள் அடித்ததன் மூலம் 20-வது இடத்தில் இருந்த அவர் 13 இடங்கள் முன்னேறி 7-வது இடத்தை பிடித்து அசத்தியுள்ளார். டாப் 10 பேட்ஸ்மேன்கள் வரிசையில் இந்தியா தரப்பில் கெய்க்வாட் மற்றும் சூர்யகுமார் யாதவ் (2-வது இடம்) மட்டுமே உள்ளனர் என்பது குறிப்பிடத்தக்கது.