இதில் முதலில் பேட்டிங் செய்த நெல்லை அணி 19.5 ஓவர்களில் 148 ரன்கள் சேர்த்து ஆல்-அவுட் ஆனது. அதிகபட்சமாக சூர்யபிரகாஷ் 43 ரன்களும் (3 பவுண்டரி, 2 சிக்சர்), அர்ஜூன் மூர்த்தி 35 ரன்களும் (16 பந்து, 7 பவுண்டரி) எடுத்தனர். தொடர்ந்து ஆடிய திருப்பூர் தமிழன்ஸ் அணி 19.5 ஓவர்களில் 7 விக்கெட்டுக்கு 149 ரன்கள் எடுத்து 3 விக்கெட் வித்தியாசத்தில் திரில் வெற்றியை பெற்றது. மான் பாப்னா 72 ரன்கள் (51 பந்து, 6 பவுண்டரி, 3 சிக்சர்) விளாசி வெற்றிக்கு வித்திட்டார். 3-வது ஆட்டத்தில் ஆடிய திருப்பூர் அணிக்கு இது முதலாவது வெற்றியாகும்.