இங்கிலாந்துக்கு எதிரான வெற்றி: ஆட்ட நாயகன் அக்சர் படேல் கூறியது என்ன ?

இதையடுத்து, இரு அணிகளுக்கும் இடையேயான முதல் ஒருநாள் போட்டி பர்மிங்கம் நகரில் உள்ள எட்ஜ்பாஸ்டன் மைதானத்தில் நடைபெற்றது. டாஸ் வென்ற இங்கிலாந்து முதலில் பேட்டிங் தேர்வு செய்தது.

அதன்படி முதலில் களமிறங்கிய இங்கிலாந்து அணி, இந்திய பந்துவீச்சாளர்களின் கட்டுப்படுத்தப்பட்ட பந்துவீச்சை சமாளிக்க முடியாமல் 258 ரன்களுக்கு ஆல் அவுட்டானது.

இதையடுத்து 259 ரன்கள் என்ற வெற்றி இலக்கை நோக்கி இந்திய அணியின் தொடக்க வீரர்களாக ரோகித் சர்மா மற்றும் சுப்மன் கில் களமிறங்கினர்.

நீண்ட இடைவெளிக்குப் பிறகு அணிக்குத் திரும்பிய ரோகித் சர்மா 21 பந்துகளில் 11 ரன்கள் மட்டுமே எடுத்து சாம் கரன் பந்தில் ஹாரி புரூக்கிடம் கேட்ச் கொடுத்து ஆட்டமிழந்தார். அவரைத் தொடர்ந்து களமிறங்கிய விராட் கோலியும் 6 பந்துகளில் 5 ரன்கள் எடுத்த நிலையில் ஜோப்ரா ஆர்ச்சர் பந்தில் எல்பிடபிள்யூ முறையில் வெளியேறினார். அடுத்தடுத்து இரு மூத்த வீரர்களும் ஆட்டமிழந்ததால் இந்திய ரசிகர்கள் ஏமாற்றமடைந்தனர்.

இருப்பினும், தொடக்க வீரர் சுப்மன் கில் பொறுப்புடன் விளையாடி அணியின் இன்னிங்ஸை நிலைநிறுத்தினார். அவருடன் இணைந்த ஷ்ரேயாஸ் அய்யர் 35 ரன்கள் சேர்த்து அணியை சரிவிலிருந்து மீட்டார். பின்னர் காயம் காரணமாக கில் 75 பந்துகளில் 80 ரன்கள் எடுத்த நிலையில் ரிட்டையர்டு ஹர்ட் ஆகி வெளியேறினார்.

அதன்பின் வாஷிங்டன் சுந்தர் மற்றும் அக்சர் பட்டேல் இணைந்து சிறப்பான ஆட்டத்தை வெளிப்படுத்தினர். இருவரும் நிதானமாகவும் அதே நேரத்தில் அதிரடியாகவும் ரன்கள் சேர்த்து இந்திய அணியை வெற்றிப் பாதைக்கு அழைத்துச் சென்றனர். வாஷிங்டன் சுந்தர் 63 பந்துகளில் 52 ரன்களுடனும், அக்சர் பட்டேல் 52 பந்துகளில் 57 ரன்களுடனும் ஆட்டமிழக்காமல் களத்தில் இருந்தனர்.

இதன் மூலம் இந்திய அணி 45.2 ஓவர்களில் 4 விக்கெட் இழப்புக்கு 262 ரன்கள் எடுத்து 6 விக்கெட் வித்தியாசத்தில் அபார வெற்றி பெற்றது. இதன் மூலம் 3 போட்டிகள் கொண்ட ஒருநாள் தொடரில் இந்திய அணி 1-0 என்ற கணக்கில் முன்னிலை பெற்றுள்ளது. அக்சர் படேல் ஆட்ட நாயகன் விருது பெற்றார்.

இது தொடர்பாக அக்சர் படேல் கூறியதாவது,

டி20 தொடர் அமைந்த விதத்தைப் பார்க்கும்போது, ​​இது எங்களுக்கு ஒரு மிகச்சிறந்த தொடக்கம் என்று நினைக்கிறேன். இன்றைய எனது ஆட்டத்திறன் குறித்து மிகவும் மகிழ்ச்சியடைகிறேன். நான் ஒரு குறிப்பிட்ட பகுதியில் பந்துவீச வேண்டும் என்று நினைத்தேன். பந்துவீசும்போது வேகத்தில் மாற்றங்களைச் செய்து, ஸ்டம்பை குறிவைத்து வீச வேண்டும் என்று கருதினேன்; அதை அப்படியே செயல்படுத்தினேன். நான்கு விக்கெட்டுகளை வீழ்த்த முடிந்தது எனது அதிர்ஷ்டம். பேட்டிங்கைப் பொறுத்தவரை, எங்களுக்கு மிகச்சிறந்த தொடக்கம் கிடைத்தது. ஆட்டத்தில் நாம் முன்னிலையில் இருக்கிறோம் என்பதை உணர்ந்து, ஸ்ட்ரைக்கை மாற்றிக்கொண்டே (rotate the strike) ஆட்டத்தை சிறப்பாக முடிக்க வேண்டும் என்று நினைத்தோம். நான் களத்திற்குச் சென்றபோது வாஷிங்டன் அங்கு இருந்தார். சில விக்கெட்டுகளை இழந்திருந்த நிலையில், ஒரு நல்ல கூட்டணியை உருவாக்க வேண்டும் என்று நாங்கள் நினைத்தோம். நான்கு அல்லது ஐந்து ஓவர்களுக்குப் பிறகு அடுத்தகட்ட நடவடிக்கை குறித்து யோசிக்கலாம் என்று கருதினோம்; ஏனெனில் கிடைத்த தொடக்கத்தின் மூலம் நாங்கள் ஆட்டத்தில் முன்னிலையில் இருந்தோம். எனவே, கூட்டணியை வலுப்படுத்தி ஆட்டத்தை வெற்றிகரமாக முடிக்க வேண்டும் என்பதில் கவனம் செலுத்தினோம். என் தெரிவித்தார்.