கோலாலம்பூர்,
முதலாவது மகளிர் ஜூனியர் ஆசிய கோப்பை கிரிக்கெட் போட்டி (19 வயதுக்குட்பட்டோர்) மலேசியா தலைநகர் கோலாலம்பூரில் நடந்து வருகிறது. இதில் பங்கேற்றுள்ள 6 அணிகள் இரு பிரிவாக பிரிக்கப்பட்டு லீக்கில் மோதின. லீக் சுற்று முடிவில் ஒவ்வொரு பிரிவிலும் டாப்-2 இடங்களை பிடித்த அணிகள் சூப்பர் 4 சுற்றுக்கு முன்னேறின.
அதன்படி இந்தியா, இலங்கை, வங்காளதேசம், நேபாளம் அணிகள் சூப்பர் 4 சுற்றுக்கு முன்னேறின. இந்த நிலையில் சூப்பர் 4 சுற்றில் இன்று நடைபெற்ற ஆட்டம் ஒன்றில் இந்தியா - இலங்கை அணிகள் மோதின. இந்த ஆட்டத்தில் முதலில் பேட்டிங் செய்த இலங்கை 20 ஓவரில் 9 விக்கெட்டை இழந்து 98 ரன்கள் மட்டுமே எடுத்தது.
இலங்கை தரப்பில் அதிகபட்சமாக மானுடி நாணயக்கார 33 ரன் எடுத்தார். இந்தியா தரப்பில் ஆயுஷி சுக்லா 4 விக்கெட் வீழ்த்தினார். தொடர்ந்து 99 ரன் எடுத்தால் வெற்றி என்ற இலக்குடன் ஆடிய இந்தியா 14.5 ஓவரில் 6 விக்கெட்டை மட்டும் இழந்து 102 ரன் எடுத்து அபார வெற்றி பெற்றது.
இந்தியா தரப்பில் திரிஷா 32 ரன், காமிலினி 28 ரன் எடுத்தனர். இந்திய அணி சூப்பர் 4 சுற்றில் 3 ஆட்டங்களில் 2 வெற்றி பெற்றுள்ளது. 1 ஆட்டம் மழை காரணமாக ரத்தானது. இதன் மூலம் இந்திய அணி இறுதிப்போட்டிக்கு முன்னேறியது. இந்திய அணி இறுதிப்போட்டியில் வங்களதேசத்தை எதிர்கொள்ள வாய்ப்பு உள்ளது.