உலக கோப்பை கிரிக்கெட் போட்டி இங்கிலாந்தில் 30-ந் தேதி தொடங்குகிறது. இதன் பயிற்சி ஆட்டங்கள் வருகிற 24-ந் தேதி முதல் 28-ந் தேதி வரை நடக்கிறது. இந்த போட்டியை நேரடி ஒளிபரப்பு செய்ய உரிமம் பெற்றுள்ள ஸ்டார் ஸ்போர்ட்ஸ் சேனல் குழுமம் பயிற்சி ஆட்டங்களையும் ஒளிபரப்பு செய்கிறது. பயிற்சி ஆட்டங்கள் பிற்பகல் 3 மணிக்கு தொடங்குகிறது.

முதல் நாள் பயிற்சி ஆட்டங்களில் இலங்கை-தென்ஆப்பிரிக்கா, பாகிஸ்தான்-ஆப்கானிஸ்தான் (24-ந் தேதி), 2-வது நாள் ஆட்டங்களில் இந்தியா-நியூசிலாந்து, இங்கிலாந்து-ஆஸ்திரேலியா (25-ந் தேதி), 3-வது நாள் ஆட்டங்களில் பாகிஸ்தான்-வங்காளதேசம், தென்ஆப்பிரிக்கா-வெஸ்ட்இண்டீஸ் (26-ந் தேதி), 4-வது நாள் ஆட்டங்களில் இங்கிலாந்து-ஆப்கானிஸ்தான், ஆஸ்திரேலியா-இலங்கை (27-ந் தேதி), 5-வது மற்றும் கடைசி நாள் ஆட்டங்களில் இந்தியா-வங்காளதேசம், வெஸ்ட்இண்டீஸ்-நியூசிலாந்து (28-ந் தேதி) அணிகள் சந்திக்கின்றன.