உலகக் கோப்பை, யூரோ கோப்பை கால்பந்து தொடருக்கு அடுத்து புகழ்பெற்ற கோபா அமெரிக்க கால்பந்து தொடர் அமெரிக்காவில் நடைபெற்று வருகிறது. இந்த தொடர் கடந்த 1916-ம் ஆண்டு முதல் நடத்தப்பட்டு வருகிறது. இந்த தொடர் வரும் ஜூலை 15-ம் தேதி வரை நடைபெறுகிறது. இதில் தற்போது காலிறுதி சுற்று ஆட்டங்கள் நடைபெற்று வருகின்றன.

இந்த தொடரில் டெக்சாஸில் இன்று நடைபெற்ற காலிறுதி ஆட்டம் ஒன்றில் கனடா - வெனிசுலா அணிகள் மோதின. இந்த ஆட்டத்தின் முதல் பாதியில் கனடா அணி ஒரு கோல் அடித்து 1-0 என முன்னிலை பெற்றது. தொடர்ந்து நடைபெற்ற 2வது பாதி ஆட்டத்தில் வெனிசுலா அணி பதில் கோல் திருப்பி 1-1 என சமனுக்கு கொண்டு வந்தது.