இந்த ஆட்டத்தில் கோலடித்த ஸ்பெயின் வீரர் லாமின் யாமலுக்கு 16 வயது 362 நாட்கள்தான் ஆகிறது. இதன் மூலம் உலகக் கோப்பை மற்றும் யூரோ சாம்பியன்ஷிப் வரலாற்றில் குறைந்த வயதில் கோல் அடித்த வீரர் என்ற சாதனையை தன்வசப்படுத்தினார். இதற்கு முன்பு 1958-ம் ஆண்டு உலகக் கோப்பையில் வேல்சுக்கு எதிரான ஆட்டத்தில் பிரேசில் ஜாம்பவான் பீலே 17 வயது 239 நாட்களில் கோல் அடித்ததே சாதனையாக இருந்தது. தற்போது அதனை தகர்த்துள்ள லாமின் புதிய சாதனை படைத்துள்ளார்.