7-வது இந்தியன் சூப்பர் லீக் (ஐ.எஸ்.எல்.) கால்பந்து தொடர் கோவாவில் நடந்து வருகிறது. இதில் நேற்று இரவு நடந்த 51-வது லீக் ஆட்டத்தில் நார்த் ஈஸ்ட் யுனைடெட் எப்.சி.(கவுகாத்தி)-ஐதராபாத் எப்.சி. அணிகள் மோதின. விறுவிறுப்பான இந்த ஆட்டத்தில் ஐதராபாத் அணி 4-2 என்ற கோல் கணக்கில் கவுகாத்தியை வீழ்த்தியது.

ஐதராபாத் அணியில் அரிடானே சந்தனா 3-வது நிமிடத்திலும், ஜோயல் சியான்சி 35-வது நிமிடத்திலும், லிஸ்டன் கோலாகோ 85-வது மற்றும் 90-வது நிமிடத்திலும் கோல் அடித்தனர். 10-வது ஆட்டத்தில் ஆடிய ஐதராபாத் அணி பெற்ற 4-வது வெற்றி இதுவாகும். கவுகாத்தி அணி சந்தித்த 3-வது தோல்வியாகும்.