ஐ.எஸ்.எல்.கால்பந்து தொடர்; ஐதராபாத் - கேரளா பிளாஸ்டர்ஸ் அணிகள் இன்று மோதல்

ஐதராபாத்,

12 அணிகள் கலந்து கொண்டுள்ள ஐ.எஸ்.எல்.கால்பந்து தொடர் இந்தியாவின் பல்வேறு நகரங்களில் நடந்து வருகிறது. இறுதிக்கட்டத்தை எட்டியுள்ள இந்த தொடரில் ஐதராபாத்தில் இன்று நடைபெறும் லீக் ஆட்டத்தில் ஐதராபாத் எப்.சி - கேரளா பிளாஸ்டர்ஸ் எப்.சி அணிகள் மோத உள்ளன.

இந்த தொடரில் இதுவரை நடந்துள்ள லீக் ஆட்டங்களின் முடிவில் கேரளா அணி 21 ஆட்டங்களில் ஆடி 9 வெற்றி, 3 டிரா, 9 தோல்வி கண்டு 30 புள்ளிகளுடன் புள்ளிப்பட்டியலில் 5வது இடத்தில் உள்ளது.

அதேவேளையில் 21 ஆட்டங்களில் ஆடியுள்ள ஐதராபாத் அணி 1 வெற்றி, 5 டிரா, 15 தோல்வி கண்டு 8 புள்ளிகளுடன் புள்ளிப்பட்டியலில் கடைசி இடத்தில் உள்ளது. இரு அணிகளும் வெற்றிக்காக கடுமையாக போராடும் என்பதால் ஆட்டத்தில் பரபரப்புக்கு பஞ்சம் இருக்காது. இந்திய நேரப்படி ஆட்டம் இரவு 7.30 மணிக்கு தொடங்குகிறது.