பிரான்ஸ் கால்பந்து வீரர் கரீம் பென்ஜிமா, ஸ்பெயினைச் சேர்ந்த ரியல்மாட்ரிட்அணிக்காக கடந்த 14 ஆண்டுகளாக விளையாடி வந்தார். அந்த அணியின் கேப்டனாகவும் செயல்பட்டார். அந்த அணிக்காக 353 கோல்கள் அடித்துள்ளார். இந்த நிலையில் இந்த சீசனுடன் ரியல்மாட்ரிட் அணியில் இருந்து விடைபெறுவதாக அறிவித்தார்.

இதற்கிடையே 35 வயதான கரீம் பென்ஜிமாவை தங்கள் அணிக்கு இழுக்க சவுதிஅரேபியாவைச் சேர்ந்த அல்-இத்திகாத் பேச்சுவார்த்தை நடத்தியது. இதில் அந்த அணிக்கு விளையாட அவர் சம்மதம் தெரிவித்து ஒப்பந்தத்திலும் கையெழுத்திட்டுள்ளார். ஏற்கனவே போர்ச்சுகல் நட்சத்திர வீரர் கிறிஸ்டியானா ரொனால்டோ சவுதிஅரேபியாவின் அல் நசீர் அணிக்காக ஆடுகிறார். அந்த வரிசையில் பென்ஜிமாவும் இணைகிறார்.