லிஸ்பன்,
செர்பியாவுக்கு எதிரான கால்பந்து தகுதிச்சுற்று போட்டியில், போர்ச்சுகல் அணி தோல்வி அடைந்ததை அடுத்து மைதானத்தில் அமர்ந்தபடியே ரொனால்டோ கண்ணீர் வடித்தார்.
2022ம் ஆண்டுக்கான உலகக்கோப்பை கால்பந்து தகுதிச்சுற்று போட்டிகள் நடைபெற்று வரும் வேளையில், செர்பியா-போர்ச்சுகல் அணிகளுக்கு இடையேயான முக்கியமான போட்டி ஞாயிற்றுக்கிழமை அன்று லிஸ்பனில் நடைபெற்றது.
இந்த போட்டியில் செர்பிய அணி 1-2 எனும் கோல் கணக்கில் போர்ச்சுகல் அணியை வீழ்த்தியது.
இந்த தோல்வியின் மூலம், போர்ச்சுகல் அணி, அடுத்த ஆண்டு நடைபெறும் உலகக்கோப்பை தொடருக்கு நேரடியாக தகுதிபெறும் வாய்ப்பை இழந்துள்ளது.
போர்ச்சுகல் அணி பிளே-ஆப் போட்டிகளில் விளையாடி வெற்றி பெறுவதன் மூலம், உலகக்கோப்பைக்கு தகுதி பெறலாம் எனும் நிலை தற்போது ஏற்பட்டுள்ளது.