பாரீஸ்,

8-வது பெண்கள் உலக கோப்பை கால்பந்து போட்டி பிரான்ஸ் நாட்டில் நடந்து வருகிறது. இதில் இந்திய நேரப்படி நேற்று அதிகாலை நடந்த 2-வது கால்இறுதி ஆட்டத்தில் நடப்பு சாம்பியன் அமெரிக்க அணி, போட்டியை நடத்தும் பிரான்சுடன் பலப்பரீட்சை நடத்தியது. பரபரப்பான இந்த மோதலில் அமெரிக்கா 2-1 என்ற கோல் கணக்கில் பிரான்சை வீழ்த்தி அரைஇறுதிக்கு முன்னேறியது. அமெரிக்க அணியில் மெகன் ராபினோ 5-வது மற்றும் 65-வது நிமிடத்தில் கோல் அடித்தார். மற்றொரு ஆட்டத்தில் நெதர்லாந்து அணி 2-0 என்ற கோல் கணக்கில் இத்தாலியை விரட்டியடித்து முதல்முறையாக அரைஇறுதிக்குள் நுழைந்தது.