எப்.ஐ.எச். புரோ லீக் ஆக்கி 2022-2023ன் சீசன் ஒடிசா மாநிலம் புவனேஸ்வர் நகரில் கடந்த 28-ஆம் தேதி தொடங்கியது. இதில் ஹர்மன்பிரீத் சிங் தலைமையிலான இந்திய ஆண்கள் ஆக்கி அணி முதல் போட்டியில் 4-3 என்ற கோல் கணக்கில் நியூசிலாந்தை வீழ்த்தி திரில் வெற்றி பெற்றது. இதை தொடர்ந்து ஸ்பெயின் அணியிடம் இந்திய அணி வீழ்ந்தது

இந்த நிலையில் இன்று நடந்த போட்டியில் இந்திய அணி மீண்டும் நியூசிலாந்து அணியை எதிர்கொண்டது. விறுவிறுப்பாக நடைபெற்ற இந்த போட்டியில் இந்திய வீரர்கள் கோல் மழைகளை பொழிந்தனர். இதனால் இந்திய அணி 7-4 என்ற கோல் கணக்கில் நியூசிலாந்து அணியை வீழ்த்தி வெற்றி பெற்றது.