சென்னை,
சென்னை ஆக்கி சங்கம் சார்பில் முதலாவது டிவிசன் ஆக்கி லீக் போட்டி எழும்பூரில் உள்ள மேயர் ராதாகிருஷ்ணன் ஸ்டேடியத்தில் நடந்து வருகிறது. இதில் நேற்று நடந்த ஆட்டம் ஒன்றில் மெட்ராஸ் ரெஜிமென்ட் மையம் 6-0 என்ற கோல் கணக்கில் யுனிவர்சல் கிளப்பை தோற்கடித்தது.
மெட்ராஸ் ரெஜிமென்ட் அணியில் சுப்பையா 2 கோலும், கணேஷ், கார்த்திக், திவாகர் தலா ஒரு கோலும் அடித்தனர். ஏர் இந்தியா-வேளச்சேரி கிளப் அணிகள் இடையிலான ஆட்டம் 2-2 என்ற கோல் கணக்கில் சமனில் முடிந்தது.
மற்றொரு ஆட்டத்தில் கனரக வாகன தொழிற்சாலை (எச்.வி.எப்) 9-0 என்ற கோல் கணக்கில் கோட்டூர் புல் மூன் அணியை பந்தாடியது. எச்.வி.எப். அணியில் ஜெகன் 3 கோலும், அஜய்குமார், சுதர்சன், ரஞ்சித் தலா 2 கோலும் அடித்தனர்.