சென்னை மாவட்ட ஆக்கி சங்கம் சார்பில் சூப்பர் டிவிசன் ஆக்கி லீக் போட்டி எழும்பூரில் உள்ள மேயர் ராதாகிருஷ்ணன் ஸ்டேடியத்தில் நடந்து வருகிறது. இதில் நேற்று நடந்த ஆட்டம் ஒன்றில் ஜி.எஸ்.டி.மற்றும் மத்திய கலால் வரி அணி 4-0 என்ற கோல் கணக்கில் சென்னை துறைமுகத்தை தோற்கடித்தது.

ஜி.எஸ்.டி. அணியில் மெர்வின் ஜாய், பிச்சைமணி, லட்சுமண் கரண், மணிகண்டன் தலா ஒரு கோல் அடித்தனர். மற்றொரு ஆட்டத்தில் தெற்கு ரெயில்வே 4-2 என்ற கோல் கணக்கில் இந்திய விளையாட்டு ஆணையத்தை (சாய்) வீழ்த்தியது. தெற்கு ரெயில்வே அணியில் அஜித்குமார் 2 கோலும், அய்யப்பன், சூர்யா தலா ஒரு கோலும் அடித்தனர்.