16 அணிகள் இடையிலான 15-வது உலகக் கோப்பை ஆக்கி போட்டி ஒடிசாவில் நடந்து வருகிறது. இதில் 'டி' பிரிவில் இடம் பெற்றுள்ள இந்திய அணி தனது முதல் ஆட்டத்தில் ஸ்பெயினை தோற்கடித்தது. இங்கிலாந்துக்கு எதிரான ஆட்டத்தை கோல் இன்றி டிரா செய்தது.

இந்த நிலையில் இந்திய அணி தனது கடைசி லீக்கில் வேல்சை இன்று (வியாழக்கிழமை) சந்திக்கிறது. தங்களை விட தரவரிசையில் 9 இடங்கள் பின்தங்கி இருக்கும் வேல்சுக்கு எதிராக இந்தியா ஆதிக்கம் செலுத்தும் என்று எதிர்பார்க்கப்படுகிறது.