மொத்தம் ரூ.10 கோடி பரிசுத்தொகைக்கான ஆல்இங்கிலாந்து பேட்மிண்டன் சாம்பியன்ஷிப் போட்டி பர்மிங்காமில் நடந்து வருகிறது. இதில் நேற்று நடந்த பெண்கள் ஒற்றையர் முதலாவது சுற்று ஆட்டம் ஒன்றில் தரவரிசையில் 9-வது இடத்தில் இருக்கும் இந்தியாவின் பி.வி.சிந்து, 17-ம் நிலை வீராங்கயைன ஜாங் யி மேனை (சீனா) எதிர்கொண்டார்.

இதில் முதல் செட்டில் 16-13 என்று முன்னிலை பெற்ற சிந்து, அதன் பிறகு தொடர்ச்சியாக 7 கேம்களை இழந்ததுடன் அந்த செட்டையும் தவற விட்டார். 2-வது செட்டில் தொடக்கத்தில் 5-5 என்று சமநிலையில் இருந்த சிந்து, அதன் பிறகு சில தவறுகளை இழைத்ததால் சரிவுக்குள்ளாகி மீள முடியாமல் பணிந்தார்.