இந்நிலையில், துப்பாக்கி சுடுதல் வீரரான அபினவ் பிந்த்ரா தனது டுவிட்டரில் ஜரீனுக்கு ஆதரவு தெரிவிக்கும் வகையில் பதிவுகளை வெளியிட்டுள்ளார்.

அதில், மேரி கோம் மேல் அனைத்து வகையிலும் எனக்கு மரியாதை உள்ளது. உண்மை என்னவெனில், விளையாட்டு வீரருக்கு நிரூபிப்பதற்கு வாய்ப்பு வழங்க வேண்டும். நிரூபிப்பது என்பது நேற்றை விட இன்று சிறப்புடனும், நாளைய வீரர் அல்லது வீராங்கனையை விட சிறப்புடனும் இருப்பது ஆகும். விளையாட்டில் நேற்றைய விசயம் கணக்கில் எடுத்து கொள்ளப்படுவது இல்லை என தெரிவித்து உள்ளார்.

பிந்த்ரா மற்றும் ஜரீன் இருவரும் ஜே.எஸ்.டபிள்யூ பிரிவில் உள்ளவர்கள் ஆவர்.

இந்நிலையில், ஒலிம்பிக் போட்டிகளில் வெண்கல பதக்கம் வென்றவரான மேரி கோம், பிந்த்ரா மீது தனது கோபத்தினை வெளிப்படுத்தியுள்ளார்.

பிந்த்ரா ஒலிம்பிக்கில் தங்க பதக்கம் வென்றவர். ஆனால் உலக சாம்பியன்ஷிப் போட்டிகளில் நானும் பல தங்க பதக்கங்களை வென்றுள்ளேன். குத்து சண்டை விளையாட்டில் தலையிடுவது அவரது வேலையல்ல.

துப்பாக்கி சுடுதல் பற்றி நான் பேசுவதில்லை. அதனால் அவரும் அமைதியாக இருப்பது நல்லது. அவருக்கு குத்து சண்டை போட்டிக்கான சரியான விதிகள் கூட தெரியாது. துப்பாக்கி சுடுதல் போட்டிக்கு முன் ஒவ்வொரு முறையும் அவர் சோதனை போட்டியில் விளையாடி விட்டு செல்வார் என்று நான் நினைக்கவில்லை என கோபமுடன் கூறியுள்ளார்.

இந்த வருடம் மே மாதத்தில் நடந்த இந்திய ஓபன் குத்து சண்டை அரையிறுதி போட்டியில் மேரி கோமிடம் விளையாடி ஜரீன் தோற்று போனார்.