சென்னை,

தமிழ்நாடு விளையாட்டு மேம்பாட்டு ஆணையம் மற்றும் சென்னை மாவட்ட கைப்பந்து சங்கம் சார்பில் முதல்-அமைச்சர் கோப்பைக்கான சென்னை மாவட்ட கைப்பந்து போட்டி (இரு பாலருக்கும்) சென்னை நேரு ஸ்டேடியத்தில் வருகிற 6 மற்றும் 7-ந் தேதிகளில் நடக்கிறது. இந்த போட்டியில் சிறப்பாக செயல்படும் வீரர்-வீராங்கனைகள் முதல்-அமைச்சர் கோப்பைக்கான மாநில கைப்பந்து போட்டிக்கான சென்னை மாவட்ட அணிக்கு தேர்வு செய்யப்படுவார்கள். 1-1-1998-க்கு பிறகு பிறந்த சென்னை மாவட்டத்தில் வசிக்கும் மற்றும் படிக்கும் வீரர்-வீராங்கனைகள் இந்த போட்டியில் பங்கேற்க தகுதி படைத்தவர்கள். இந்த போட்டிக்கான ஏற்பாடுகளை சென்னை மாவட்ட விளையாட்டு அதிகாரி பிரேம்குமார், சென்னை மாவட்ட கைப்பந்து சங்க செயலாளர் ஏ.கே.சித்திரைபாண்டியன் ஆகியோர் செய்து வருகிறார்கள்.