சீன ஓபன் பேட்மிண்டன் போட்டி சாங்ஜோவ் நகரில் நேற்று தொடங்கியது. இதன் பெண்கள் ஒற்றையர் பிரிவில் முதல் சுற்று ஆட்டம் ஒன்றில் உலக தரவரிசையில் 10-வது இடத்தில் உள்ள இந்திய வீராங்கனை சாய்னா நேவால், 9-ம் நிலை வீராங்கனையான தென்கொரியாவின் சுங் ஜி ஹூனை சந்தித்தார். இதில் முதல் செட்டை 22-20 என்ற கணக்கில் போராடி கைப்பற்றிய சாய்னா அடுத்த 2 செட்களையும் 8-21, 14-21 என்ற கணக்கில் இழந்து அதிர்ச்சி தோல்வி கண்டு வெளியேறினார். இந்த ஆட்டம் 48 நிமிடம் நடந்தது.

மற்றொரு ஒற்றையர் ஆட்டத்தில் உலக தரவரிசையில் 3-வது இடத்தில் இருக்கும் இந்திய வீராங்கனை பி.வி.சிந்து 21-15, 21-13 என்ற நேர்செட்டில் 39-ம் நிலை வீராங்கனையான சனா கவாகமியை (ஜப்பான்) எளிதில் தோற்கடித்து அடுத்த சுற்றுக்கு முன்னேறினார். இந்த வெற்றியை பெற சிந்துவுக்கு 26 நிமிடமே தேவைப்பட்டது.