சீன ஓபன் பேட்மிண்டன் தொடரின் 16-வது சுற்று ஆட்டத்தில் தாய்லாந்தின் போர்ன்பவீ சோச்சுவாங்கும் இந்தியாவின் பிவி சிந்துவும் மோதினர். பரபரப்பாக நடைபெற்ற இந்த ஆட்டத்தில் 21-12,13-21,19-21 என்ற செட் கணக்கில் பிவி சிந்து தோல்வி அடைந்தார். இதன் மூலம் போட்டித்தொடரில் இருந்து பிவி சிந்து வெளியேறினார்.

முன்னதாக, மற்றொரு வீராங்கனையான சாய்னா நேவாலும் தாய்லாந்தின் பூஷ்னன் ஆங்பாம்ருங்பானும் மோதினர். இதில், 10-21,17-21 என்ற செட் கணக்கில் சாய்னா நேவால் தோல்வி அடைந்து வெளியேறினார். இந்த தோல்விகள் மூலம், சீன ஓபன் பேட்மிண்டன் போட்டியின் பெண்கள் பிரிவில் கோப்பை வெல்லும் இந்தியாவின் நம்பிக்கை முடிவுக்கு வந்தது.