சென்னை,

சென்னை மாவட்ட கைப்பந்து சங்கம் சார்பில், டாக்டர் ரெலா இன்ஸ்டிடியூட் மற்றும் மருத்துவ மையம், ஆச்சி மசாலா நிறுவனம் ஆகியவை ஆதரவுடன் ஏ டிவிசன் கைப்பந்து லீக் போட்டி எழும்பூரில் உள்ள மேயர் ராதாகிருஷ்ணன் ஸ்டேடியத்தில் நடந்து வருகிறது. இதில் 7-வது நாளான நேற்று நடந்த லீக் ஆட்டம் ஒன்றில் இந்தியன் ஓவர்சீஸ் வங்கி-ஐ.சி.எப். அணிகள் பலப்பரீட்சை நடத்தின. 5 செட்கள் வரை நீடித்த இந்த ஆட்டத்தில் இந்தியன் ஓவர்சீஸ் வங்கி 17-25, 29-27, 25-23, 13-25, 15-12 என்ற செட் கணக்கில் ஐ.சி.எப். அணியை வீழ்த்தியது. மற்றொரு ஆட்டத்தில் இந்தியன் வங்கி அணி 25-14, 25-20, 25-17 என்ற நேர்செட்டில் தமிழ்நாடு போலீசை தோற்கடித்தது. இன்று நடைபெறும் ஆட்டங்களில் தமிழ்நாடு போலீஸ்-ஐ.சி.எப். (மாலை 4.30 மணி), இந்தியன் ஓவர்சீஸ் வங்கி-இந்தியன் வங்கி (மாலை 6 மணி) அணிகள் மோதுகின்றன.