பிரெஞ்சு ஓபன் சூப்பர் 750 பேட்மிண்டன் போட்டி பாரீஸ் நகரில் கடந்த 25 ஆம் தேதி தொடங்கி நடைபெற்று வருகிறது. இந்த தொடரில் இன்று நடந்த ஆண்கள் இரட்டையர் பிரிவின் காலிறுதி சுற்றில் இந்தியாவின் சாத்விக்சாய்ராஜ் ரங்கிரெட்டி/சிராக் ஷெட்டி ஜோடி உலகின் நம்பர்.1 ஜோடியான டகுரோ ஹோக்கி- யுகோ கோபயாஷியை (ஜப்பான்) எதிர் கொண்டனர்.

நொடிக்கு நொடி பரபரப்புக்கு பஞ்சம் இல்லாமல் நடைபெற்ற இந்த போட்டியில் சாத்விக்- சிராக் ஜோடி 23-21, 21-18 என்ற கணக்கில் வெற்றி பெற்று ஜப்பான் வீரர்களுக்கு அதிர்ச்சி அளித்து அரையிறுதிக்கு தகுதி பெற்றனர்.