சையது மோடி சர்வதேச பேட்மிண்டன் போட்டி லக்னோவில் நடந்து வருகிறது. இதில் ஆண்கள் ஒற்றையர் 2-வது சுற்று ஆட்டம் ஒன்றில் இந்திய வீரர் பிரனாய் 21-11, 16-21, 21-18 என்ற செட் கணக்கில் சக நாட்டு வீரர் பியான்ஷூ ரஜாவத்தை போராடி சாய்த்து கால்இறுதிக்குள் அடியெடுத்து வைத்தார்.

மற்ற ஆட்டங்களில் இந்தியாவின் சமியா இமாத் பரூக்கி 21-6, 21-15 என்ற நேர்செட்டில் சகநாட்டவர் கனிகா கன்வாலையும், அனுபமா உபாத்யாயா (இந்தியா) 21-12, 21-19 என்ற செட் கணக்கில் சக நாட்டு வீராங்கனை ஸ்மித் தோஷ்னிவாலையும் வீழ்த்தி கால்இறுதியை எட்டினர்.