பேட்மிண்டன் வீரர், வீராங்கனைகளின் புதிய தரவரிசைபட்டியலை சர்வதேச பேட்மிண்டன் சம்மேளனம் நேற்று வெளியிட்டது. ஆண்கள் ஒற்றையர் பிரிவில் டென்மார்க் வீரர் விக்டர் ஆக்சல்சென் முதலிடத்தில் நீடிக்கிறார். இந்திய இளம் வீரர் லக்ஷயா சென் 9-வது இடத்தில் தொடருகிறார். இந்திய வீரர்கள் ஸ்ரீகாந்த் ஒரு இடம் முன்னேறி 11-வது இடத்தையும், எச்.எஸ்.பிரனாய் ஒரு இடம் உயர்ந்து 15-வது இடத்தையும் பிடித்துள்ளனர்.
பிரனாய் 4 வருடங்களுக்கு பிறகு மீண்டும் 'டாப்-15' இடத்துக்குள் நுழைந்துள்ளார். பெண்கள் ஒற்றையர் பிரிவில், காயம் காரணமாக உலக சாம்பியன்ஷிப் மற்றும் ஜப்பான் ஓபன் போட்டியில் இருந்து விலகிய இந்திய நட்சத்திர வீராங்கனை பி.வி.சிந்து மாற்றமின்றி 6-வது இடத்தில் நீடிக்கிறார். சாய்னா நேவால் 31-வது இடம் வகிக்கிறார்.