புரோ கபடி லீக்: தமிழ் தலைவாஸ்- தெலுங்கு டைட்டன்ஸ் ஆட்டம் ‘டை’

முதல் நாளான நேற்றிரவு நடந்த தொடக்க ஆட்டத்தில் மும்பை அணி (யு மும்பா) 46-30 புள்ளி கணக்கில் பெங்களூரு புல்சை வீழ்த்தியது. இதைத் தொடர்ந்து அரங்கேறிய 2-வது ஆட்டத்தில் தமிழ் தலைவாஸ் அணி, தெலுங்கு டைட்டன்சை எதிர்கொண்டது. முதலில் புள்ளி கணக்கை உற்சாகமாக தொடங்கிய தலைவாஸ் அணியினர் அடுத்த சில நிமிடங்களில் தடுமாறினர். இதனால் தெலுங்கு டைட்டன்ஸ் மளமளவென புள்ளிகளை குவித்தது. ஒரு கட்டத்தில் 17-10 என்ற கணக்கில் டைட்டன்ஸ் முன்னிலை கண்டது. அதன் பிறகு எழுச்சி பெற்ற தலைவாஸ் அணியில் மஞ்சித் ஒரே ரைடில் 3 பேரை அவுட் செய்து அசத்தினார். அதன் தொடர்ச்சியாக தெலுங்கு அணியை ஆல்-அவுட் செய்து 20-20 என்று சமனுக்கு கொண்டு வந்தனர். முதல் பாதியில் தலைவாஸ் அணி 23-21 என்ற புள்ளி கணக்கில் முன்னிலை வகித்தது.