உலக தரவரிசையில் டாப்-8 இடத்தில் உள்ள வீரர், வீராங்கனைகள் மட்டுமே களம் காணும் உலக டூர் இறுதி சுற்று பேட்மிண்டன் போட்டி இந்தோனேஷியாவில் உள்ள பாலி நகரில் நடந்து வருகிறது.

இதில் பெண்கள் ஒற்றையர் ஏ பிரிவில் இடம் பிடித்துள்ள உலக சாம்பியனான இந்திய வீராங்கனை பி.வி.சிந்து தனது கடைசி லீக் ஆட்டத்தில் போர்ன்பவீ சோச்சுவாங்கை (தாய்லாந்து) சந்தித்தார். 1 மணி 11 நிமிடம் நீடித்த இந்த ஆட்டத்தில் சிந்து 12-21, 21-19, 14-21 என்ற செட் கணக்கில் போர்ன்பவீயிடம் போராடி வீழ்ந்தார். இந்த பிரிவில் 3 ஆட்டங்களிலும் வெற்றி பெற்ற போர்ன்பவீ முதலிடத்தையும், 2 வெற்றி, ஒரு தோல்வி கண்ட சிந்து 2-வது இடத்தையும் பிடித்து அரைஇறுதிக்கு முன்னேறினார்கள்.