பிரான்சில் நடந்த நோய்சியல் ஓபன் சதுரங்க போட்டியில் ஈரோடு கிராண்ட் மாஸ்டர் இனியன் சாம்பியன் பட்டம் வென்றார்.
ஈரோட்டை சேர்ந்த இனியன் சதுரங்க (செஸ்) விளையாட்டில் இந்தியாவின் கிராண்ட் மாஸ்டராக உள்ளார். இவர் கடந்த 18-ந் தேதி முதல் 23-ந் தேதி வரை பிரான்ஸ் நாட்டின் தலைவர் பாரீசில் நடந்த நோய்சியல் ஓபன் சர்வதேச சதுரங்க போட்டியில் கலந்து கொண்டார். இதில் 11 நாடுகளை சேர்ந்த சர்வதேச வீரர்கள் 52 பேர் கலந்து கொண்டனர். போட்டிகள் 9 சுற்றுகளாக நடந்தன. இதில் இந்தியாவின் சார்பில் விளையாடிய ஈரோடு இனியன் 5 சுற்றுகளில் வெற்றியும், 4 சுற்றுகளை சமனும் செய்தார். இதன் மூலம் 7 புள்ளிகளுடன் இனியன் முதல் இடத்தை பிடித்தார். அவருக்கு நோய்சியல் ஓபன் சதுரங்க போட்டியின் தலைவர் வெற்றிக்கோப்பை பரிசு வழங்கினார்.
இந்திய வீரர் சர்வதேச மாஸ்டர் என்.ஆர்.விக்னேஷ் 2-ம் இடமும், நார்வே நாட்டு வீரர் அலெக்சாண்டர் ஸ்ட்ரோம்பெர்க் 3-ம் இடமும் பிடித்தனர்.
இந்த தகவலை கிராண்ட் மாஸ்டர் இனியனின் தந்தை பன்னீர்செல்வம் தெரிவித்து உள்ளார்.