தைபே ஓபன் பேட்மிண்டன்: முதல் சுற்றில் பிரனாய், காஷ்யப் அபாரம்

தைபே,

தைபே ஓபன் சர்வதேச பேட்மிண்டன் போட்டி சீனதைபேயில் நடந்து வருகிறது. இதில் நேற்று நடந்த ஆண்கள் ஒற்றையர் முதல் சுற்று ஆட்டம் ஒன்றில் இந்திய வீரர் எச்.எஸ்.பிரனாய் 21-11, 21-10 என்ற நேர்செட்டில் சீன தைபேயின் லின் யு சின்னை தோற்கடித்து 2-வது சுற்றுக்கு முன்னேறினார். இந்த வெற்றியை பெற அவருக்கு 26 நிமிடமே தேவைப்பட்டது.

இதே போல் இந்தியாவின் காஷ்யப் 21-15, 21-16 என்ற நேர்செட்டில் ஜெர்மனியின் சாமுவேல் ஹியோவை விரட்டியடித்து 2-வது சுற்றுக்குள் நுழைந்தார். மற்றொரு ஆட்டத்தில் தமிழகத்தை சேர்ந்த சங்கர் 13-21, 5-21 என்ற நேர்செட்டில் ஜப்பானின் கன்டா சுன்யமாவிடம் தோற்று வெளியேறினார்.