புரோ கபடி லீக் தொடரின் 9-வது சீசன் கடந்த 7-ஆம் தேதி பெங்களூருவில் தொடங்கி நடைபெற்று வருகிறது. இந்த தொடரில் இன்று தமிழ் தலைவாஸ்- பாட்னா பைரட்ஸ் அணிகள் மோதின. குஜராத்துக்கு எதிரான முதல் போட்டியைத் தமிழ் தலைவாஸ் அணி 'டை' ஆக்கியிருந்தது. அதை தொடர்ந்து அரியானாவிற்கு எதிரான இரண்டாவது போட்டியில் மோசமாகத் தோற்றிருந்தது.

பின்னர் தமிழ் தலைவாஸ் அணி 32-39 என்ற புள்ளி கணக்கில் யு மும்பா அணியிடம் வீழ்ந்தது. இதனால் வெற்றி கணக்கை தொடங்கும் முனைப்பில் தமிழ் தலைவாஸ் அணி இன்று களமிறங்கியது. இதில் முதல் பாதியில் பின்தங்கி இருந்த தமிழ் தலைவாஸ் அணி 2-வது பாதியில் சிறப்பான ஆட்டத்தை வெளிப்படுத்தியது.