தாய்லாந்து ஓபன் பேட்மிண்டன் போட்டி பாங்காக்கில் நடந்து வருகிறது. இதில் நேற்று நடந்த ஆண்கள் ஒற்றையர் பிரிவு கால்இறுதி ஆட்டம் ஒன்றில் உலக தரவரிசையில் 49-வது இடத்தில் இருக்கும் இந்திய வீரர் சாய் பிரனீத், 23-வது இடத்தில் உள்ள லி ஷி பெங்கை (சீனா) சந்தித்தார்.

திரில்லிங்கான இந்த ஆட்டத்தில் சாய் பிரனீத் 17-21, 23-21, 18-21 என்ற செட் கணக்கில் லி ஷி பெங்கிடம் போராடி தோற்று வெளியேறினார். இதன் மூலம் இந்த போட்டியில் இந்தியாவின் சவால் முடிவுக்கு வந்தது.