பாங்காக்,
19 வயதுக்குட்பட்டோருக்கான ஆசிய குத்துச்சண்டை சாம்பியன்ஷிப் போட்டி தாய்லாந்தில் நடைபெற்று வருகிறது. இதில் இன்று நடைபெற்ற மகளிர் குத்துச்சண்டை போட்டிகளில் இந்திய வீராங்கனைகள் நிஷா (54 கிலோ) மற்றும் முஸ்கன் (57 கிலோ) தங்களது எடைப்பிரிவுகளில் தங்கப்பதக்கங்களை வென்று அசத்தினர். அதே நேரத்தில் 5 வீராங்கனைகள் வெள்ளிப் பதக்கங்களைப் பெற்றனர்.
19 வயதுக்குட்பட்டோருக்கான பிரிவில் களமிறங்கிய 10 வீராங்கனைகளில், ஒன்பது பேர் பதக்கம் வென்று அசத்தியுள்ளனர். 2 தங்கம், 5 வெள்ளி மற்றும் 2 வெண்கலம் உட்பட 9 பதக்கங்களை இந்திய மகளிர் அணி வென்று அசத்தியுள்ளது.