புனே,
84-வது தேசிய சீனியர் பேட்மிண்டன் சாம்பியன்ஷிப் போட்டி மராட்டிய மாநிலம் புனேயில் நடந்து வருகிறது.
இதில் நேற்று நடந்த ஆண்கள் ஒற்றையர் பிரிவு 2-வது சுற்று ஆட்டம் ஒன்றில் உலக தரவரிசையில் 9-வது இடத்தில் இருக்கும் எச்.எஸ்.பிரனாய் 12-21, 15-21 என்ற நேர்செட்டில் இந்திய விமான நிலைய ஆணைய வீரர் கிரண் ஜார்ஜிடம் அதிர்ச்சி தோல்வி கண்டு வெளியேறினார்.
மற்றொரு ஆட்டத்தில் முன்னணி வீரர் கிடாம்பி ஸ்ரீகாந்த் 21-19, 18-21, 21-17 என்ற செட் கணக்கில் மணிப்பூரின் மைஸ்னம் மிராபாவை வீழ்த்தினார்.