நியூயார்க்,

கிராண்ட்ஸ்லாம் அந்தஸ்து பெற்ற அமெரிக்க ஓபன் டென்னிஸ் போட்டி நியூயார்க் நகரில் நடந்து வருகிறது. போட்டியின் பெண்கள் ஒற்றையர் பிரிவில் 3வது சுற்று ஆட்டங்கள் நடந்தன. இதில் 6 முறை சாம்பியனான அமெரிக்காவின் செரீனா வில்லியம்ஸ், சக நாட்டவரான தனது சகோதரி வீனஸ் வில்லியம்சை எதிர் கொண்டார்.

ஆட்டத்தின் துவக்கம் முதலே ஆதிக்கம் செலுத்திய செரீனா வில்லியம்ஸ் 6-1, 6-2 என்ற நேர் செட்களில் வீனஸ் வில்லியம்ஸை வீழ்த்தி 4-வது சுற்றுக்கு முன்னேறினார்.

மற்றொரு ஆட்டத்தில் 3-ம் நிலை வீராங்கனையும், நடப்பு சாம்பியனுமான ஸ்டீபன்ஸ் (அமெரிக்கா) 6-3, 6-4 என்ற புள்ளிக் கணக்கில் அசரென்காவை (பெலாரஸ்) வீழ்த்தி 4-வது சுற்றுக்கு முன்னேறினார்.