பீஜிங்,

மொத்தம் ரூ.60 கோடி பரிசுத்தொகைக்கான சீன ஓபன் சர்வதேச டென்னிஸ் போட்டி பீஜிங் நகரில் நடந்து வருகிறது. இதில் நேற்று நடந்த அரை இறுதி ஆட்டம் ஒன்றில் உலக தரவரிசையில் 2-வது இடத்தில் இருக்கும் கரோலின் வோஸ்னியாக்கி (டென்மார்க்) 6-1, 6-3 என்ற நேர்செட்டில் சீன வீராங்கனை குயாங் வாங்கை தோற்கடித்து இறுதிப்போட்டிக்கு முன்னேறினார். மற்றொரு அரைஇறுதியில் அமெரிக்க ஓபன் சாம்பியனான நவோமி ஒசாகா (ஜப்பான்) 4-6, 4-6 என்ற நேர்செட்டில் லாத்வியா வீராங்கனை செவஸ்தோவாவிடம் அதிர்ச்சி தோல்வி கண்டு வெளியேறினார். இன்று நடைபெறும் இறுதிப்போட்டியில் வோஸ்னியாக்கி-செவஸ்தோவா ஆகியோர் மோதுகிறார்கள்.