துபாய் ஓபன் டென்னிஸ்: ரஷிய வீரர் டேனில் மெட்விடேவ் 'சாம்பியன்'

துபாய்,

துபாய் ஓபன் சர்வதேச ஆண்கள் டென்னிஸ் சாம்பியன்ஷிப் போட்டி ஐக்கிய அரபு அமீரகத்தில் நடந்தது. இதில் நேற்று நடந்த ஒற்றையர் இறுதிப்போட்டியில் உலக தரவரிசையில் 7-வது இடத்தில் இருக்கும் ரஷிய வீரர் டேனில் மெட்விடேவ் சக நாட்டு வீரர் ஆந்த்ரே ரூப்லெவ் உடன் மோதினார்.

இந்த ஆட்டத்தில் மெட்விடேவ் 6-2, 6-2 என்ற நேர்செட்டில் வெற்றி பெற்று சாம்பியன் பட்டத்தை கைப்பற்றினார். அவர் வென்ற 18-வது பட்டம் இதுவாகும். சாம்பியன் பட்டம் வென்ற மெட்விடேவுக்கு 500 தரவரிசை புள்ளியுடன் ரூ.4.36 கோடி பரிசாக கிடைத்தது. 2-வது இடம் பெற ரூப்லெவுக்கு ரூ.2.34 கோடி கிட்டியது.