துபாய்,
துபாய் சர்வதேச டென்னிஸ் சாம்பியன்ஷிப் போட்டி அமீரகத்தில் நடந்து வருகிறது. இதில் ஆண்கள் இரட்டையர் பிரிவின் முதல் சுற்று ஆட்டம் ஒன்றில் ரோகன் போபண்ணா (இந்தியா)-மேத்யூ எப்டென் (ஆஸ்திரேலியா) இணை 7-6 , 7-6 என்ற நேர்செட்டில் சிகந்தர் மன்சூரி (துனிசியா)-அய்சம் உல்-ஹக் குரேஷி (பாகிஸ்தான்) ஜோடியை வீழ்த்தி காலிறுதிக்கு முன்னேறியது.
இதே போல் யுகி பாம்ப்ரி (இந்தியா)- ராபின் ஹாஸ் (நெதர்லாந்து) கூட்டணி 6-7 , 6-3, 10-8 என்ற செட் கணக்கில் அலெக்சாண்டர் புப்லிக் (கஜகஸ்தான்)- அட்ரியன் மன்னரினோ (பிரான்ஸ்) இணையை சாய்த்து காலிறுதிக்குள் நுழைந்தது.
ஒற்றையர் பிரிவில் 'வைல்டு கார்டு' சலுகை பெற்றிருந்த இந்திய வீரர் சுமித் நாகல் முதல் சுற்றில் 4-6, 7-5, 1-6 என்ற செட் கணக்கில் இத்தாலியின் லோரின்சோ சோங்கோவிடம் தோற்று வெளியேறினார்.