துபாய்,

துபாய் ஓபன் சர்வதேச டென்னிஸ் போட்டியின் இறுதி ஆட்டத்தில் நம்பர் ஒன் வீரர் நோவக் ஜோகோவிச் (செர்பியா), 6-ம் நிலை வீரர் சிட்சிபாசுடன் (கிரீஸ்) மோதினார். இதில் தொடக்கம் முதலே ஆதிக்கம் செலுத்திய ஜோகோவிச் 6-3, 6-4 என்ற நேர் செட் கணக்கில் வெற்றி பெற்று 5-வது முறையாக இந்த கோப்பையை வசப்படுத்தினார். இந்த சீசனில் இன்னும் தோல்வியே சந்திக்காத ஜோகோவிச் தொடர்ச்சியாக பெற்ற 21-வது வெற்றி இதுவாகும். மகுடம் சூடிய ஜோகோவிச்சுக்கு ரூ.4 கோடியும், 2-வது இடம் பிடித்த சிட்சிபாசுக்கு ரூ.2 கோடியும் பரிசுத்தொகையாக வழங்கப்பட்டது.