ரோம்,

இத்தாலி ஓபன் டென்னிஸ் போட்டி ரோமில் நடந்து வருகிறது. இதில் நேற்று நடந்த பெண்கள் ஒற்றையர் பிரிவு அரைஇறுதி ஆட்டம் ஒன்றில் நடப்பு சாம்பியன் எலினா ஸ்விடோலினா (உக்ரைன்) 6-4, 6-3 என்ற நேர்செட்டில் அனெட் கோன்டாவீட்டை (எஸ்தோனியா) தோற்கடித்து இறுதிப்போட்டிக்கு முன்னேறினார்.

ஆண்கள் ஒற்றையர் பிரிவின் அரைஇறுதியில் உலக தரவரிசையில் 2-வது இடத்தில் இருக்கும் ரபெல் நடால் (ஸ்பெயின்), முன்னாள் நம்பர் ஒன் வீரர் நோவக் ஜோகோவிச்சை (செர்பியா) சந்தித்தார். விறுவிறுப்பான இந்த ஆட்டத்தில் ரபெல் நடால் 7-6 (7-4), 6-3 என்ற நேர்செட்டில் ஜோகோவிச்சை வீழ்த்தி இறுதிசுற்றுக்குள் நுழைந்தார்.