சியோல்,
கொரியா ஓபன் சர்வதேச டென்னிஸ் போட்டி சியோலில் நடந்து வருகிறது.
இந்த தொடரில் இன்று நடைபெற்ற காலிறுதி போட்டியில் மால்டோவா வீரர் ராடு ஆல்பட், கனடாவின் டெனிஸ் ஷபோவலோவை எதிர்கொண்டார். இந்த போட்டியில் ஷபோவலோவ் 6-2, 6-2 என்ற செட் கணக்கில் ராடு ஆல்பட்டை வீழ்த்தி அரையிறுதி போட்டிக்கு தகுதி பெற்றார்.
மற்றொரு காலிறுதி போட்டியில் நார்வேயின் கேஸ்பர் ரூட், ஜப்பானின் யோஷிடோ நிஷியோகாவுடன் மோதினார். இந்த போட்டியில் நிஷியோகா 6-2, 3-6, 6-2 என்ற செட் கணக்கில் கேஸ்பர் ரூட்டை வீழ்த்தி அரையிறுதி போட்டிக்கு முன்னேறினார்.