லண்டன்,
விம்பிள்டன் டென்னிஸ் தொடரில் ஜானிக் சின்னர்,ஷிந்தாரோ மொச்சிசூகியை வீழ்த்தி, தொடர்ந்து ஐந்தாவது முறையாக காலிறுதி சுற்றுக்கு தகுதி பெற்று சாதனை படைத்துள்ளார்.
லண்டனில் நடைபெற்று வரும் கிராண்ட்ஸ்லாம் அந்தஸ்து பெற்ற விம்பிள்டன் டென்னிஸ் தொடரில், ஆண்கள் ஒற்றையர் பிரிவின் 4-வது சுற்று ஆட்டத்தில் உலகின் நம்பர் 1 வீரரும் நடப்பு சாம்பியனுமான இத்தாலியின் ஜானிக் சின்னர், ஜப்பானின் ஷிந்தாரோ மொச்சிசூகியை எதிர்கொண்டார்.
இதில் தொடக்கம் முதலே ஆதிக்கம் செலுத்திய ஜானிக் சின்னர், 6-3, 7-6 (7-0), 6-3 என்ற நேர் செட் கணக்கில் வெற்றி பெற்று காலிறுதி சுற்றுக்கு முன்னேறினார்.
இந்த வெற்றியின் மூலம், விம்பிள்டன் தொடரில் தொடர்ந்து ஐந்தாவது முறையாக காலிறுதிக்குத் தகுதி பெற்றுள்ள சின்னர், ஓபன் எரா வரலாற்றில் இந்த சாதனையை நிகழ்த்திய 11-வது வீரர் என்ற பெருமையைப் பெற்றுள்ளார்.
மேலும், தற்போது விளையாடி வரும் வீரர்களில், 7 முறை விம்பிள்டன் சாம்பியனான நோவக் ஜோகோவிச்சுக்கு அடுத்தபடியாக தொடர்ந்து ஐந்து முறை காலிறுதிக்கு முன்னேறிய இரண்டாவது வீரர் என்ற சாதனையையும் ஜானிக் சின்னர் பதிவு செய்துள்ளார்.