நியூயார்க்,
ஆண்டின் கடைசி கிராண்ட்ஸ்லாமான அமெரிக்க ஓபன் டென்னிஸ் தொடர் நியூயார்க் நகரில் நடந்து வருகிறது.
இதில் ஆண்கள் இரட்டையர் பிரிவில் நேற்று நடைபெற்ற முதல் சுற்று ஆட்டம் ஒன்றில் ரோகன் போபண்ணா (இந்தியா) - மேத்யூ எப்டென் (ஆஸ்திரேலியா) ஜோடி, நெதர்லாந்தின் சான்டெர் அரென்ட்ஸ் - ராபின் ஹாஸ் ஜோடியுடன் மோதியது.
இந்த ஆட்டத்தில் ரோகன் போபண்ணா - மேத்யூ எப்டென் ஜோடி 6-3, 7-5 என்ற நேர்செட்டில் சான்டெர் அரென்ட்ஸ் - ராபின் ஹாஸ் ஜோடியை வீழ்த்தி 2-வது சுற்றுக்கு தகுதி பெற்றது.