நியூயார்க்,
பல முன்னணி வீரர் மற்றும் வீராங்கனைகள் பங்கேற்றுள்ள அமெரிக்க ஓபன் டென்னிஸ் தொடர் நியூயார்க் நகரில் நடைபெற்று வருகிறது. இதில் நேற்று நடைபெற்ற ஆண்கள் ஒற்றையர் பிரிவின் 2-வது சுற்று ஆட்டம் ஒன்றில் தரவரிசையில் 6-வது இடத்தில் இருக்கும் ஆந்த்ரே ரூப்லெவ் (ரஷியா), ஆர்துர் ரின்டர்னிச் (பிரான்ஸ்) உடன் பலப்பரீட்சை நடத்தினார்.
இதில் முதல் 2 செட்டுகளை இழந்த ரூப்லெவ், பின்னர் சரிவில் இருந்து வலுவாக மீண்டு வந்து அடுத்த 3 செட்டுகளை கைப்பற்றி வெற்றி பெற்றார். 4 மணி நேரம் 6 நிமிடங்கள் நடந்த இந்த போட்டியில் ரூப்லெவ் 4-6, 5-7, 6-1, 6-2 மற்றும் 6-2 என்ற செட் கணக்கில் போராடி வெற்றி பெற்று 3-வது சுற்றுக்கு முன்னேறியுள்ளார்.
இவர் தனது 3-வது சுற்று ஆட்டத்தில் ஜிரி லெஹெக்கா உடன் மோத உள்ளார்.