அமெரிக்க ஓபன் டென்னிஸ் தொடர் நியூயார்க் நகரில் நேற்று தொடங்கியது. இதில் பல முன்னணி வீரர் மற்றும் வீராங்கனைகள் கலந்து கொண்டுள்ளனர். இந்த தொடரில் இன்று நடைபெற்ற முதல் சுற்று ஆட்டம் ஒன்றில் இந்தியாவின் சுமித் நாகல், நெதர்லாந்தின் டாலன் கிரீக்ஸ்பூர் உடன் மோதினார்.

இந்த ஆட்டத்தின் ஆரம்பம் முதலே அபாரமாக செயல்பட்ட டாலன் கிரீக்ஸ்பூர் 6-1, 6-3, 7-6 (8-6) என்ற செட் கணக்கில் சுமித் நாகலை வீழ்த்தினார். இந்த தோல்வியின் மூலம் சுமித் நாகல் முதல் சுற்றுடன் தொடரில் இருந்து வெளியேறினார்.