அஜித் நடிப்பில் மிகவும் எதிர்பார்க்கும் திரைப்படம் வலிமை. இப்படத்தின் அப்டேட்டை ரசிகர்கள் செல்லும் இடங்களில் கேட்டு அதனை டிரெண்ட்டாக்கி சமூக வலைத்தளங்களில் வைரலாக்கினார்கள். அதன் பிறகு இந்த படத்தின் அப்டேட்கள் தொடர்ச்சியாக வெளியானது. இந்நிலையில், போனிகபூர் தயாரித்து எச்.வினோத் இயக்கிய இந்த திரைப்படத்தின் டிரைலர் இன்று மாலை 6.30 மணியளவில் வெளியாகும் என்று படக்குழுவினர் அறிவித்துள்ளனர்.

இந்த படத்தின் டிரைலர் வெளியாவதை குறித்து ரசிகர்கள் சமூக வலைதளங்களில் பதிவிட்டு வருகின்றனர். இதற்கு முன்பு இப்படத்தின் மேக்கிங் வீடியோ வெளியாகி பெரும் வரவேற்பை பெற்றது. வலிமை திரைப்படம் பொங்கல் தினத்தை முன்னிட்டு திரையரங்குகளில் வெளியாக இருக்கிறது.