இந்தநிலையில் கடந்த 28-ந்தேதி சீதாலட்சுமி வீட்டை பூட்டி சாவியை கணவர் முருகேசனிடம் கொடுத்து விட்டு அம்பகரத்தூர் பகுதியில் உள்ள தனது உறவினர் வீட்டுக்கு சென்று விட்டார். முருகேசனும் கடந்த 4 நாட்களாக வீட்டுக்கு செல்லவில்லை.

நேற்று  காலை சீதாலட்சுமி வீட்டுக்கு வந்தார். பின்னர் கணவரிடம் இருந்து சாவியை வாங்கி வீட்டை திறந்து உள்ளே சென்றார். அப்போது வீட்டின் பின்பக்க கதவு உடைக்கப்பட்டு இருப்பதை கண்டு அதிர்ச்சி அடைந்தார்.

6 பவுன் நகை, பணம் திருட்டு

வீட்டுக்குள் சோதனை செய்தபோது, பீரோ உடைக்கப்பட்டு அதில் வைத்திருந்த 6 பவுன் நகைகள், ரூ.10 ஆயிரம் திருட்டு போயிருப்பது தெரியவந்தது. இதுகுறித்து கோட்டுச்சேரி போலீஸ் நிலையத்தில் சீதாலட்சுமி புகார் செய்தார்.

அதன்பேரில் போலீசார் வழக்குப்பதிவு செய்து வீட்டின் கதவை உடைத்து நகை, பணத்தை திருடி சென்ற மர்ம நபர்களை வலைவீசி தேடி வருகின்றனர்.