சேப்பாக்கம் தொகுதியில் வேட்புமனு தாக்கல் செய்தார் உதயநிதி

இதனைத் தொடர்ந்து இந்த ஆண்டு பிப்ரவரி மாதம் 23ஆம் தேதி வெளியிடப்பட்ட இறுதி வாக்காளர் பட்டியலின்படி சேப்பாக்கம் சட்டசபை தொகுதியை பொருத்தவரை 79 ஆயிரத்து 412 ஆண்களும், 84 ஆயிரத்து 396 பெண்களும் மற்றும் 583 மூன்றாம் பாலினத்தவர்கள் என மொத்தம் ஒரு லட்சத்து 63 ஆயிரத்து 86 வாக்காளர்கள் உள்ளனர்.

சேப்பாக்கம் தொகுதி நீண்ட காலமாக தி.மு.க.வின் பலம் வாய்ந்த பகுதியாக பார்க்கப்படுகிறது. 1977 மற்றும் 1980, 1984 ஆகிய தேர்தலில் தி.மு.க. வேட்பாளர் ரகுமான்கான் தொடர்ந்து மூன்று முறை வெற்றி பெற்றார். 1991இல் காங்கிரஸ் வேட்பாளர் ஜீனத் சர்புதீன் வெற்றி பெற்றார். அதன் பிறகு 1996, 2001 ,2006 ஆகிய தேர்தலில் மறைந்த முன்னாள் முதல்-அமைச்சர் மு.கருணாநிதி தொடர்ந்து வெற்றி பெற்றார். இதனை தொடர்ந்து 2011 மற்றும் 2016 ஆகிய தேர்தலில் தி.மு.க.வின் ஜெ.அன்பழகன் வெற்றி பெற்றார்.