இந்த ஆரோக்கிய பழக்கம் தற்போது மெல்ல மறைந்துபோய், பெண் பூப்பு எய்திய ஒரு சில தினங்களுக்கு மட்டும் கொடுக்கும் சடங்காக சுருங்கிவிட்டது. எனவே காலம் காலமாக இருந்து வந்த அத்தகைய உணவுப்பழக்கத்தை தொடருவது மகளிர் நலன் சார்ந்தது. பூப்பு கால உணவுகளை சாப்பிடுவதன் மூலம் மலட்டுத் தன்மை நீங்கும்; சினைப்பை கட்டிகள் உருவாவது, கருப்பைக் கட்டிகள் வருவது தடுக்கப்படும்.

தமிழக மக்களிடம் பல நூற்றாண்டு காலமாக நடைமுறையில் இருந்துவந்த இந்த மருத்துவ உணவு முறையை, தினமும் ஒரு வேளையாவது உட்கொள்வது நல்லது. இதில் எள், உளுந்து, வெந்தயம் என்ற வரிசையை மாற்றக்கூடாது. எள்ளு உருண்டை தயார் செய்து தரலாம். 6 முதல் 14 நாட்கள் வரை உளுந்தங்களி கொடுக்கலாம். பூப்பெய்திய 15-வது நாள் முதல் 28-வது நாள் வரை வெந்தயக் கஞ்சி வழங்கலாம் என நம் முன்னோர் அறிவுறுத்தி இருக்கிறார்கள்.